Oralda jańadan 30 sport alańy salynbaq
ORAL. QazAqparat - Oral qalasynda aldaǵy jyly 30 sport alańy salynbaqshy. Bul týraly qala kúnine oraı «Astana» shaǵynaýdanynda jańa sport alańynyń ashylý rásimine qatysqan shahar basshysy Narıman Tóreǵalıev málimdedi.
Qala ákiminiń aıtýynsha, atalǵan nysan qurylysyna jergilikti qazynadan 7,5 mln. teńge bólingen. Munda jas jetkinshekter shaǵyn fýtbol syndy sport túrlerimen aınalysa alady.
«Qazirgi kezde qalada 44 sport alańy bar. Keler jyly taǵy 30-y iske qosylatyn bolsa, jastardyń sportpen aınalysyp, denesin shynyqtyrýyna múmkindik molaıady. Elbasy tapsyrmasyna sáıkes buqaralyq sportty damytýdyń bir joly osy», dedi N.Tóreǵalıev.
Eske sala keteıik, dástúrli qala kúnine oraı birneshe sporttyq shara josparlanǵan. Atap aıtqanda, búgin «Batyrlyq oıyndar» kúsh synasý ekstrımi bolsa, 10 qyrkúıek kúni velosherý ótip, oǵan bokstan olımpıada chempıony Danııar men onyń ákesi, jeke bapkeri Marat Eleýsinov qatyspaqshy. Shara sońynda belsendi qatysýshylar marapattalyp, lotereıa oınatylady. Sondaı-aq osy kúni voleıboldan qala ákiminiń júldesi úshin halyqaralyq «Dostyq-Drýjba» týrnıri bastalady.
