Oralda jańa jyldyq mereke kúnderi 100-den astam sábı ómirge keldi
ORAL. QazAqparat - Oral qalasynda 31 jeltoqsan men 3 qańtar aralyǵynda 105 sábı dúnıege keldi, dep habarlaıdy «QazAqparat» tilshisi.
Oblystyq densaýlyq saqtaý basqarmasynyń baspasóz hatshysy Flıýra Samatovanyń aıtýynsha, 31 jeltoqsanda 16 qyz, 13 ul, 1 qańtarda 19 qyz, 8 ul, 2 qańtarda 14 qyz, 14 ul, keshe 11 qyz, 10 ul bala ómir esigin ashty. Qalalyq perzenthanadan basqa oblystyq perınataldyq ortalyqta aýyldardan kelgen analardyń da bosanatyndyǵyn eskerý kerek.
Aıta keteıik, oblystyq densaýlyq saqtaý basqarmasynan alynǵan málimetke qaraǵanda, táýelsizdik jyldary qazirgi zamanǵy medıtsına jetistikterin qoldaný nátıjesinde sábılerdiń shetineýi 3,5 esege (myń adamǵa shaqqanda, 1991 jylǵy 26,2-den 2016 jylǵy 7,4-ke deıin) azaıdy. Analardyń ólim-jitimi de 25 jyl ishinde 77,1 paıyzǵa (100 myń tiri týylǵanǵa 1991 jylǵy 68,5-ten 2016 jyldyń qorytyndysy boıynsha 15,7-ge deıin) qysqardy.
