Oralda jańa kóp qabatty turǵyn úı paıdalanýǵa berildi
ORAL. QazAqparat - QR Táýelsizdiginiń 25 jyldyǵyna oraı Oral qalasyndaǵy 5-shaǵynaýdanda toǵyz qabatty turǵyn úı paıdalanýǵa berildi, dep habarlaıdy QazAqparat tilshisi.
Onyń ashylý saltanatyna qatysqan oblys ákimi Altaı Kólginovtiń atap ótkenindeı, óńirde turǵyn úı qurylysy qarqyndy júrgizilýde. Bıylǵy merekeli jyly oblys kóleminde 1500 otbasy jańa qonysqa kóshýde. Oblys ortalyǵynda kóp qabatty turǵyn úıler iske qosylyp jatsa, sonyń biri «Turǵynúıqurylysjınaqbanki» AQ men prokýratýra arasyndaǵy kelisimge sáıkes berilip otyr. «Altaır» JShS salǵan atalmysh turǵyn úıde 72 páter bolsa, sonyń 47-sine prokýratýra qyzmetkerleri qonystanbaqshy. Osynyń bári Elbasy tapsyrmasyna sáıkes júzege asyrylýda. 
Jańa qonys ıelerin oblys prokýrory Saparbek Nurpeıisov te quttyqtady.
Turǵyndarǵa páter kiltterin tabys etken óńir basshysy prokýratýra qyzmetkeri Natalıa Kolpakovanyń úıine kirip, qutty bolsyn aıtyp, kórimdikke teledıdar syılady. 
