Oralda jalǵan nómir taqqan júrgizýshi polıtseılerden qashpaq boldy

ORAL. KAZINFORM — Oralda Ábilqaıyr han dańǵylynda patrýldik polıtseıler «Mercedes Benz» kóligin toqtatyp, tekserý kezinde júrgizýshiniń jalǵan memlekettik nómirmen júrgenin anyqtady.

BQO polıtsııa departamentiniń baspasóz qyzmetinen málim etkenindeı, ákimshilik hattama jasalyp bolǵannan keıin júrgizýshi polıtsııadan jasyrynýǵa tyrysty. 

Ony ustaý úshin qosymsha jasaqtar men avtopatrýlder tartyldy. Tártip buzýshy qyzmetkerlerdiń toqtaý talaptaryn elemeı, joldarda qaýipti jaǵdaı týǵyzdy. Baǵdarshamnyń tyıym salý belgisinen ótip, jol qozǵalysynyń basqa qatysýshylaryna qaýip tóndirdi.

— Polıtsııa qyzmetkerleriniń úılesimdi jumysynyń nátıjesinde kólik Á.Moldaǵulova kóshesinde toqtatyldy. Júrgizýshige qatysty jol qozǵalysy erejelerin óreskel buzǵany úshin birden birneshe ákimshilik hattama toltyryldy. Quqyq buzýshynyń kóligi arnaıy avtoturaqqa jetkizildi. Jalǵan memlekettik nómirlerdi qoldanýǵa tyıym salynǵandyǵyn jáne jol qozǵalysy erejelerin qatań saqtaý kerek ekendigin umytpaý qajet. Polıtsııa mundaı áreketter ákimshilik qana emes, keıbir jaǵdaıda qylmystyq jaýapkershilikke ákep soqtyratynyn eske salady, — dep habarlady vedomstvodan.

Eske sala keteıik, budan buryn Oralda mas adamnyń júrgizýshini tapanshamen qorqytqanyn jazǵan bolatynbyz.