Oralda jalǵan nómir taǵylǵan kólikti júrgizgen áskerı qyzmetshi jaýapqa tartyldy

ORAL. KAZINFORM — Oral qalasynyń mamandandyrylǵan ákimshilik quqyq buzýshylyqtar jóninde soty jalǵan memlekettik tirkeý nómiri taǵylǵan kólikti basqarǵan áskerı qyzmetshige qatysty isti qarady.

BQO sotynyń baspasóz qyzmetinen málim etkenindeı, quqyq buzýshylyq Oral qalasy aýmaǵynda ótkizilgen jedel aldyn alý is-sharalary barysynda polıtsııa qyzmetkerlerimen anyqtalǵan. Bul — QR Ákimshilik quqyq buzýshylyq týraly kodeksiniń 590-baby 4-bóligimen kózdelgen quqyq buzýshylyq.

Іsti qaraý kezinde júrgizýshiniń ádeıi jalǵan memlekettik tirkeý nómiri ornatylǵan kólikti júrgizgeni belgili boldy. 

Sot otyrysynda azamat K-nyń kinási dáleldendi. 

Sot is materıaldaryn zerdeleı otyryp, quqyq buzýshylyq sıpatyn baǵalap, áskerı qyzmetshige qoldanystaǵy zańnama talaptaryna sáıkes ákimshilik jaza taǵaıyndaýdy uıǵardy.

Atalǵan kodekstiń 32-babyna sáıkes áskerı qyzmetshiler ákimshilik quqyq buzýshylyqtary úshin tártiptik jarǵylar boıynsha jaýaptylyqqa tartylady. Biraq olarǵa ákimshilik qamaý túrindegi jaza qoldanylmaıdy.

— Osyǵan baılanysty sot azamat K-ny kodekstiń 590-baby 4-bóliginde kózdelgen ákimshilik quqyq buzýshylyqty jasaǵany úshin kináli dep tanydy. Kodekstiń 32-baby 2-bóligi negizinde 608-baptyń 1-bóligimen kózdelgen negizgi jaza — ákimshilik qamaýdan bosatyp, kólik quralyn basqarý quqyǵynan 1 jyl merzimge aıyrdy. Іs materıaldarynyń kóshirmeleri kináli qyzmetshini tártiptik jaýapkershilikke tartý máselesin sheshý úshin BQO polıtsııa departamentine joldandy. Qaýly zańdy kúshine engen joq, — dep habarlady vedomstvodan.

Eske sala keteıik, budan buryn BQO-da esirtkige mas kúıinde rólge otyrǵan júrgizýshiniń sottalǵanyn jazǵan edik.