Oralda jalǵan aqsha jasaýshylar sottaldy
ORAL. QazAqparat - Oral qalalyq soty búgin jalǵan aqsha jasaýshylarǵa qatysty úkimdi jarııa etti, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, erli-zaıypty Evgenıı men Danel Skorobogatovtar jáne Dmıtrıı Vorobev 20 myń teńgelik jalǵan aqsha jasaýmen aınalysqan.
Sottalýshylar jalǵan aqshalardy dúken, bazar, dárihana, kafelerde ótkizgen. Sóıtip barlyǵy 22 jábirlenýshige 440 myń teńge zalal keltirgen.
Sot olardy QR QK 231-baby 2-bóligi 1, 2-tarmaqtary, 190-baby 2-bóligi 1, 2 tarmaqtary boıynsha aıypty dep tanydy. QR QK 58-baby 3-bóligi qoldanyla otyrylyp, úsheýi de qatań jazany aýyryraq qatań jazaǵa sińirý jolymen múlikterin tárkileýsiz 5 jylǵa bas bostandyqtarynan aıyrý retindegi túpkilikti jazany qaýipsizdigi orta qylmystyq-atqarý júıesi mekemesinde óteýge sottaldy.
Tárbıesinde kishkentaı balalary bar D.Skorobogatovaǵa QR QK-niń 74-baby 1-bóligi negizinde jazasyn óteý bes jylǵa keıinge qaldyryldy.
Sot úkimi kúshine engen joq.
