Oralda zeınetker áıel avtobýsta kóz jumdy
ORAL. QazAqparat - Oral qalasynda zeınetker áıel avtobýsta kóz jumdy, dep habarlaıdy QazAqparat tilshisi.
Oqıǵa búgin №46 baǵytta qatynaıtyn avtobýs ishinde bolǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge Máskeý kóshesi boıynda «Pıtstop» janar-jaǵarmaı quıý stansasy tusynan saǵat 10.57-de qońyraý shalynǵan.
Jedel járdem saǵat 11.00-de jetkenimen, 1938 jylǵy áıel oǵan deıin «PAZ» avtobýsynyń ishinde qaıtys bolyp ketken.
Marqumnyń múrdesi polıtsııa qyzmetkerlerine tapsyryldy.
Qazirgi kezde oqıǵanyń jaı-japsary anyqtalý ústinde.
