Oralda zańsyz taksı júrgizýshilerine aıyppul salyna bastady
ASTANA. QazAqparat - Oralda taksı qyzmetin usynýǵa ruqsat beretin qujaty joq júrgizýshilerdi jaýapqa tartatyn reıdter júrgizilip jatyr, dep habarlaıdy QazAqparat «Moı gorod» portalyna silteme jasap.
Batys Qazaqstan oblysy taksı qaýymdastyǵy ókilderiniń aıtýynsha, qaladaǵy taksı júrgizýshilerdiń jartysyna jýyǵy jolaýshylardy zańsyz tasymaldap júr.
Reıd qupııa klıent ádisimen júrgizilip jatyr. Ol mobıldik qosymsha arqyly taksıge tapsyrys beredi. Al jolaýshynyń ornyna taksıdi quqyq qorǵaý organdarynyń qyzmetkerleri kútip alady. Reıdke jergilikti polıtsııa qyzmetimen qosa kólik prokýratýrasy jáne kólik ınspektsııasynyń ókilderi de qatysyp jatyr.
Reıd barysynda bir saǵattyń ishinde úsh zańsyz taksı júrgizýshisi anyqtaldy.
«Júrgizýshilerge QR «Ákimshilik quqyq buzýshylyq týraly» kodeksiniń 571-babynyń 1-bóligine sáıkes, 5 AEK mólsherinde aıyppul salynady», - deıdi Oral qalalyq ishki ister basqarmasy jol-patrýl qyzmeti batalonynyń polıtseıi Azamat Namazov.
