Oralda zań buzǵan 300 sheteldik jaýapqa tartyldy
ORAL. QazAqparat - Oral qalasynyń mamandandyrylǵan ákimshilik soty QR aýmaǵynda zańsyz júrgen ózbekstandyq azamatqa qatysty ákimshilik quqyqbuzýshylyq týraly iske núkte qoıdy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, atalǵan azamat Qazaqstanǵa 2016 jyldyń qyrkúıek aıynda kelip, bıylǵy tamyzǵa deıin tirkeýsiz turǵan.
Sot ony QR Ákimshilik quqyqbuzýshylyq kodekstiń 517-baby 2-bóligine sáıkes aıypty dep taýyp, ony elden shyǵarý týraly qaýly qabyldady.
Aıta keteıik, bıyl jyl basynan beri QR kóshi-qon zańnamasyn buzǵany úshin Oralda 300 sheteldik azamat jaýapqa tartyldy. Olardyń basym kópshiligi - Ózbekstan jáne Reseı azamattary. Sonyń ishinde 77 adamǵa 2 608 939 teńge aıyppul salyndy. 185 adamǵa qamaqqa alý túrindegi ákimshilik jaza belgilense, 38-i elden shyǵaryldy.
