Oralda ystyq sý berý taǵy da toqtatyldy
ORAL. QazAqparat - Oral qalasynda ystyq sý berý taǵy da toqtatyldy, dep habarlaıdy QazAqparat tilshisi.
«Jaıyqjylýqýat» AQ kommertsııalyq dırektory Vıacheslav Solodılovtyń aıtýynsha, «QazTransGazAımaq» AQ keshe qaryzǵa baılanysty jylý-qýat ortalyǵyn gazdan aıyrdy.
Soǵan baılanysty búgin qalaǵa ystyq sý berý toqtatyldy.
«Jaıyqjylýqýat» AQ-nyń «QazTransGazAımaq» AQ-ǵa berejaǵy 540 mln teńgeni qurap otyr. Al turǵyndardyń jylý úshin bereshegi - 570 mln teńge.
«Turǵyndardan qaryzdy óndirý maqsatynda qoldan kelgenniń bári jasalýda. Brıgadalar úıdi aralaýda. Jyldar boıy tólemegender de bar. Sotqa júginip, tıisti sharalar alynýda. Degenmen qaryzdyń bárin bir kúnde qaıtarý múmkin emes», dedi «QazAqparat» tilshisine V.Solodılov.
Eske sala keteıik, jylý-qýat ortalyǵy bıyl osymen gazdan ekinshi ret ajyratylyp otyr. Budan buryn «kógildir otyn» berý 25 mamyrda toqtatylyp, 6 maýsymda qaıta qosylǵanyn jazǵan bolatynbyz.
