Oralda voleıboldan jarys márege jetti
ORAL. QazAqparat - Oraldaǵy «Arman» sport kesheninde BQO ishki ister departamenti qurylymdary arasynda voleıboldan jarys márege jetti, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, qyzmetkerlerdiń sporttyq sheberligin arttyrý jáne salaýatty ómir saltyn ornyqtyrý maqsatynda uıymdastyrylǵan birinshilikke 16 komanda quramynda 120-dan astam oıynshy qatysty.
Jarys qorytyndysynda BQO ІІD apparatynyń quramasy jeńimpaz atandy. Terekti aýdandyq ishki ister bóliminiń komandasy ekinshi, jánibektikter úshinshi orynǵa ıe boldy. Sondaı-aq polıtsııa maıory Erbolat Qadyr «úzdik oıynshy», polıtsııa serjanty Baǵlan Jaqyp «úzdik shabýylshy», polıtsııa starshınasy Jaılybek Qanafın «úzdik qorǵaýshy», jetekshi maman Janat Jumaqulova «jaqsy oıynshy» atalymdarymen marapattaldy.
Aıta keteıik, 9 aqpan voleıboldyń dúnıege kelgen kúni eken. 1895 jyly dál osy kúni AQSh-tyń Massachýsets shtatyndaǵy Holıok qalasynda jastar hrıstıan uıymynyń dene tárbıesi jónindegi jetekshisi Ýılıam Morgan (1870-1942) sport zalda osy komandalyq oıyn túrin oılap shyǵarǵan.
