Oralda voleıboldan Ulttyq lıgadaǵy erler komandalary arasynda el chempıonatynyń 4-týry ótedi
ALMATY. 3 naýryz. QazAqparat /Erlik Erjanuly/ - Oralda 8-13 naýryzda voleıboldan Ulttyq lıgadaǵy erler komandalary arasynda HІH Qazaqstan chempıonatynyń 4-týr oıyndary bolady.
Alǵashqy 3 týrdyń qorytyndysy boıynsha «Almaty» komandasy 29 upaımen týrnır kestesinde kósh bastap kele jatyr. Úzdik úshtikti túıindep turǵan Hromtaýdyń «TNK Qazhrom» (25 upaı) men Óskemenniń «Shyǵys-QorǵasynQurylys» (24 upaı) komandalarynyń arasyn 1 upaı ǵana bólip tur. Qazirgi kezde týrnır kestesiniń ekinshi jartysyndaǵy Qyzyljardyń «Esil» (20 upaı), Oraldyń «Kondensat» (19 upaı) jáne Atyraýdyń «Atyraý» (18 upaı) voleıbolshylary da bir-birin ókshelep kele jatyr. Aınalym júıesi boıynsha ótetin el chempıonaty jarysqa qatysatyn 6 qaladaǵy 6 týrǵa sozylady. Buǵan deıin onyń úsheýi ótti.
