Oralda voleıboldan Ulttyq lıgadaǵy erler komandalary arasynda el chempıonatynyń 4-inshi týry ótedi
ALMATY. 1 aqpan. QazAqparat /Erlik Erjanuly/ - Oralda 7-12 aqpan kúnderi voleıboldan Ulttyq lıgadaǵy erler komandalary arasynda HH Qazaqstan chempıonatynyń 4-inshi týr oıyndary ótedi.
Alǵashqy 3 týrda «Almaty» 40 upaımen kósh tizginin eshkimge bermegen edi. Olardy ókshelep kele jatqan Hromtaýdyń «TNK Qazhrom» komandasynyń 7 upaıy kem. Óskemendikter («Shyǵys-QorǵasynQurylys») 25 upaımen 3-inshi orynda kele jatyr. Al atyraýlyqtarda («Atyraý») - 17, Oral («Kondensat») men Qyzyljar («Esil» ) voleıbolshylarynda 10 upaıdan ǵana bar.
Tórtinshi týr Hromtaý men Qyzyljar, Óskemen men Atyraý, Almaty men Oral sportshylyarynyń oıyndarymen bastalady. 12-17 qańtarda Óskemende ótken synda óz qorjynyna «Almaty» men «TNK Qazhrom» - 12, «Shyǵys-QorǵasynQurylys» - 9, «Kondensat» - 7, «Atyraý» - 5, al «Esil» birde-bir upaı qosa almaǵan edi. 2011 jyldyń 9-16 qarashasynda Almatyda ótken birinshi týr oıynynda almatylyqtar - 13, hromtaýlyqtar - 12, óskemendikter - 7, atyraýlyqtar - 6, qyzyljarlyqtar - 4, oraldyqtar - 3 upaı jınaǵan edi. Al 5-12 jeltoqsanda Qyzyljardaǵy ekinshi týrdan oraldyqtardyń qorjyny bos qaıtty.
