Oralda voleıboldan QR kýbogynyń irikteý kezeńi márege jetti
ORAL. QazAqparat - Oralda áıelder komandalary arasynda QR kýbogy jarysynyń irikteý kezeńi márege jetti, dep habarlaıdy «QazAqparat» tilshisi.
Fınaldyq kezeńge «Qýanysh» (SQO) jáne «Altaı-2» komandalary joldama aldy. Kezdesýleriniń bárinde jeńiske jetken «Qýanysh» komandasy 15 upaımen birinshi orynǵa ıe boldy. Al odan úsh upaıy kem óskemendikter ekinshi satyǵa jaıǵasty. Ekinshi joldama úshin «Altaı-2» men Oraldyń «Gratsııa-KZ» komandalary talasqan bolatyn. Bul oıynda shyǵysqazaqstandyqtar aıqyn basymdylyq (3:0) tanytty. Oraldyqtar 8 upaımen úzdik úshtikti túıindedi.
Aıta keteıik, «Qýanysh» pen «Altaı-2» ulttyq lıganyń alty komandasymen birge fınaldyq kezeńde óner kórsetedi. Bul týrnır 24 qazan - 1 qarasha aralyǵynda Óskemen qalasynda ótpek.
