Oralda voleıboldan halyqaralyq týrnır márege jetti
ORAL. QazAqparat - Oralda voleıboldan 2001-2003 jáne 2004-2005 jylǵy jasóspirimder arasynda «Dostyq-Drýjba» halyqaralyq týrnıri márege jetti, dep habarlaıdy QazAqparat tilshisi.
Voleıboldan jasóspirimder arasynda BQO quramasynyń aǵa bapkeri Sergeı Kazaktyń aıtýynsha, dástúrli jarys bıyl osymen onynshy márte ótkizildi.
Jas erekshelikterine qaraı eki topta barlyǵy 16 komanda kúsh synasty.
Týrnır qorytyndysynda 2004-2005 jylǵy jasóspirimder arasynda Orynbor qalasynyń komandasy (úzdik oıynshy - Edýard Sýhanov) jeńimpaz atandy. Oraldyqtar (úzdik oıynshy - Stanıslav Grışenko) ekinshi, Novokýıbyshevsk (Reseı) komandasy (Vladıslav Şýkın) úshinshi orynǵa ıe boldy.Qaztalov aýdanynyń Jalpaqtal voleıbolshylary úzdik tórttiktiń qatarynan kórindi.
2001-2003 jylǵylar arasyndaAqtóbe qalasynyń komandasy (úzdik oıynshy - Bekarys Ǵabıtuly) jeńis tuǵyryna kóterilse, shymkenttikter (Tursyn Dosaly) men almatylyqtar (Egor Krıvenko) júldeli oryndardy bólisti. Oraldyqtar tórtinshi orynǵa taban tiredi.
