Oralda voleıboldan halyqaralyq týrnır bastaldy
ORAL. QazAqparat - Oralda qala kúnine oraı voleıboldan 2001-2003 jáne 2004-2005 jylǵy jasóspirimder arasynda «Dostyq-Drýjba» halyqaralyq týrnıri ótýde, dep habarlaıdy QazAqparat tilshisi.
Bıyl onynshy ret uıymdastyrylyp otyrǵan dástúrli jarysqa Qazaqstanmen qatar Reseıdiń Samara, Orynbor, Ýfa, Sol-Iletsk, Bor, Novokýıbyshevsk qalalarynan komandalar qatysýda.
Voleıboldan jasóspirimder arasynda BQO quramasynyń aǵa bapkeri Sergeı Kazaktyń aıtýynsha, týrnırge ár jas ereksheligi boıynsha segiz komandadan kúsh synasýda. Alǵashqy úsh kúnde toptyq oıyndar bolsa, sodan keıin úzdik tórt komanda anyqtalyp, júldelerdi sarapqa salady.
«Jarys maqsaty - aımaq namysyn qorǵaıtyn jasóspirim voleıbolshylardyń sheberligin ushtaı túsý. Sondyqtan Qazaqstan men Reseıdiń tájirıbeli, myqty komandalaryn shaqyrdyq. Aldaǵy qarasha aıynda Qazaqstan chempıonaty ótedi. Ótken jyly altynshy orynǵa ıe bolsaq, bıyl alǵashqy úshtikke iliksek pe deımiz. Barlyq komandalardyń deńgeıi shamalas, oıyndar tartysty ótip jatyr», - dedi QazAqparat tilshisine Sergeı Kazak.
Aıta keteıik, týrnır 12 qyrkúıek kúni márege jetedi.
