Oralda voleıboldan halyqaralyq «Dostyq-Drýjba» týrnıri ótýde
ORAL. QazAqparat - Oralda qala kúnine oraı voleıboldan 2000-2001 jáne 2002-2003 jylǵy jasóspirimder arasynda «Dostyq-Drýjba» atty VІІІ halyqaralyq týrnıri ótýde.
Voleıboldan jasóspirimder arasynda BQO quramasynyń aǵa bapkeri Sergeı Kazaktyń aıtýynsha, dástúrli jarysqa 2000-2001 jylǵylar arasynda Oral, Ýfa, OQO, Atyraý, Almaty oblysy komandalary qatysýda. Bul topta alǵashqy kúnderi oraldyqtar atyraýlyqtardy 3:0 esebimen jeńdi. Bashqurtstannan kelgen ýfalyqtar Almaty oblysyn 3:1, Atyraýdy 3:0 esebimen tize búktirdi. Al ońtústikqazaqstandyqtar taǵy da atyraýlyqtardan 3:0 esebimen basym tústi. 2002-2003 jylǵylar arasynda Oral, Astana, Sankt-Peterbor, Aqtóbe, Sol-Iletsk (Orynbor oblysy), Orynbor qalasy voleıbolshylary baq synaýda. Munda ázirge astanalyqtar men aqtóbelikter sátti óner kórsetýde. Elordalyqtar Sankt-Peterbor voleıbolshylaryn 3:0, Sol-Iletsk komandasyn 3:2 esebimen utty. Al aqtóbelikter 3:0 esebimen oraldyqtar men Sol-Iletskiniń meselin qaıyrdy. Esesine oraldyqtar men orynborlyqtar Sankt-Peterbor komandasyn 3:0 esebimen jeńdi.
Bes kúnge sozylatyn týrnır 13 qyrkúıek kúni márege jetedi.
