Oralda velosıped urlyǵy jıilep ketti
ORAL. QazAqparat - Oral qalasynda velosıped urlyǵy jıilep ketip otyr, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen túsken málimetke qaraǵanda, bıylǵy naýryzdan 10 mamyrǵa deıingi kezeńniń ózinde 53 velosıped qoldy bolǵan. Sonyń ishinde naýryzda 10, sáýirde 26, mamyrdaǵy 10 kúnde 17 urlyq tirkelgen. Bulardyń 31-i urylardyń mekenjaıǵa erkin kirýi arqyly jymqyrylsa, 18-i úılerdiń kireberisinen, ekeýi kósheden, 11-i aýladan áketilgen. Mekenjaıdyń qulpyn buzý, áınegin syndyrý, sáıkes kilt tabý, jasyryn kirý arqyly 22 velosıped jymqyrylǵan.
Aıta keteıik, qazirgi kezde velosıpedtiń quny 20 myńnan 70 myń teńgege deıin barady, sondyqtan onyń urlanýy kim-kimge eleýli materıaldyq zalal keltiredi.
