Oralda velosıped mingen adamdy kólik qaǵyp, mert boldy
ORAL. QazAqparat – Oralda avtokólik velosıpedpen júrgen er adamdy qaǵyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 13 qazan kúni shamamen saǵat 22.40-ta Eski áýejaı shaǵynaýdanynda Svetlaıa kóshesinde boldy.
37 jastaǵy júrgizýshi «HINO RANGER» avtokóligimen (manıpýlıator) belgilenbegen jerden velosıpedpen ótip bara jatqan er adamdy qaǵyp ketken.
25-30 jastaǵy er adam aýrýhanada kóz jumdy. Keıin velosıpedpen júrgen adamnyń 33 jastaǵy qala turǵyny ekeni anyqtaldy. Medıtsınalyq kýálandyrýǵa sáıkes júrgizýshi ishimdik ishpegen.
Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.
