Oralda vagonnan qulaǵan jumysshy mert boldy
ORAL. QazAqparat – Oralda vagonnan qulaǵan jumysshy mert boldy, dep habarlaıdy QazAqparat tilshisi.
BQO densaýlyq saqtaý basqarmasy baspasóz qyzmetiniń málim etkenindeı, oqıǵa búgin «Talap» AQ qurylys-óndiristik bazasynda boldy.
Osynda jumysshy bolyp istegen 1969 jylǵy er adam bıiktigi 4,5 metr vagonnan qulap ketip, basynan jaraqat aldy.
Jedel járdem saǵat 10.40-ta shaqyryldy. Marqum jedel járdem kelgengen deıin kóz jumdy.
Bul – sońǵy eki kúnde óndiris ornynda bolǵan ekinshi jaǵdaı.
Keshe keshkisin Terekti aýdany Podstepnyı aýylynda «Myńjasarov» JK-nyń sabyn tsehynda 1975 jylǵy jumysshy mas kúıinde stanokqa túsip qalǵan. Oń jaq qoly bileziginen qıylyp ketken, sol jaq ıyǵy, omyrtqa-qabyrǵalary synǵan.
Qazirgi kezde er adam qalalyq kópbeıindi aýrýhananyń jansaqtaý bóliminde jatyr.
Eske sala keteıik, budan buryn Oralda tok soqqan elektrıktiń qaza bolǵanyn jazǵan edik.
