Oralda úzdik polıtsııa qyzmetkerleri atalyp ótildi
ORAL. 21 maýsym. QazAqparat - Oral qalasyndaǵy Jeńis alańynda 21 maýsym kúni Qazaqstan polıtsııasy kúnine oraı saltanatty shara ótkizildi.
Alańǵa elimizdiń kók baıraǵy ákelinip, memlekettik Ánuran shyrqaldy. Osynda sap túzegen oblystyq ishki ister departamenti qurylymdary qyzmetkerlerine QR Іshki ister mınıstri, polıtsııa general-leıtenanty Qalmuhambet Qasymovtyń quttyqtaý haty oqyldy.
Saltanatta oblys ákimi Nurlan Noǵaevtyń atap ótkenindeı, Elbasymyz Nursultan Ábishuly Nazarbaev «polıtsııa qoǵamdyq tártipti saqtaýdyń aldyńǵy shebinde keledi» dep ishki ister organdarynyń jumysyna joǵary baǵa berdi. Jyl saıyn ishki ister organdarynyń materıaldyq-tehnıkalyq bazasyn nyǵaıtýǵa respýblıkalyq jáne jergilikti bıýdjetten qomaqty qarjy bólinýde. Sonyń nátıjesinde oblysta azamattardyń quqyǵyn qorǵaý, qylmys sanyn qysqartý baǵytynda aýqymdy jumystar atqarylýda.
Budan soń oblys basshysy eldiń tynyshtyǵy men qaýipsizdigin saqtaý isinde júrgen barlyq qyzmetkerlerdi jáne ishki ister organdary ardagerlerin tól merekelerimen quttyqtap, erekshe kózge túsken qyzmetkerlerge oblys ákiminiń alǵyshatyn tabys etti.
Oblystyq ishki ister departamentiniń bastyǵy, polıtsııa polkovnıgi Mahambet Ábısatov QR ІІM jáne oblystyq departament basshysynyń buıryǵymen bir top qyzmetkerlerge kezekti shen jáne «Quqyq tártibin qamtamasyz etýde úzdik shyqqany úshin» medaldar men Qurmet gramotalaryn tabystady. Osy merekege oraı bıyl BQO boıynsha 142 polıtsııa qyzmetkeri QR ІІM-nyń, 773 adam oblystyq ishki ister departamentiniń marapattaryna ıe boldy.
Saltanatty shara ishki ister organdary quramalarynyń merekelik sherýimen aıaqtaldy.
