Oralda uıǵyr halqynyń mádenıet kúni atalyp ótildi

ORAL. QazAqparat - Oral qalasyndaǵy Dostyq úıinde QR Táýelsizdiginiń 25 jyldyǵyna oraı «Etnostar kúni» jobasy aıasynda uıǵyr halqynyń mádenıet kúni atalyp ótildi, dep habarlaıdy QazAqparat.

Uıǵyr etnomádenı birlestigi ázirlegen merekelik shara barysynda Qazaqstannyń táýelsizdik jyldary ishindegi tabystary, Elbasy bastamasymen qurylǵan Qazaqstan halqy assambleıasynyń basty maqsaty el birligi men tynyshtyǵyn saqtaý ekendigi aıtyldy.
 

BQO ákimi apparaty «Qoǵamdyq kelisim» mekemesi dırektorynyń orynbasary Jamal Ihsanova, uıǵyr etnomádenı birlestiginiń tóraıymy, QHA múshesi Ásııam Úsenova jınalǵan jurtshylyqty táýelsizdik meıramymen quttyqtap, ystyq yqylas, jyly lebizderin bildirdi. «Batys Qazaqstan oblysynda toqsannan astam ult ókilderi tatý-tátti ómir súrip jatsa, sonyń biri bizdermiz. Sanymyz kóp bolmasa da, óz tilimizdi, mádenıetimiz ben ónerimizdi umytpaı, damytýǵa bar kúsh-jigerimizdi salyp kelemiz. Buǵan Dostyq úıinde barlyq jaǵdaı jasalǵan. Munyń bári - tuńǵysh Prezıdentimizdiń túrli ult ókilderine degen qamqorlyǵynyń arqasy», dedi Á.Úsenova.
 

Shara kezinde kóne túrki halyqtarynyń birinen sanalatyn uıǵyrlardyń tarıhy men mádenıeti, salt-dástúrleri týraly beınekórinis kórsetilip, án-bılerine kezek berildi.  Kelýshiler sondaı-aq uıǵyr halqynyń ulttyq taǵamdarynan dám tatyp, qolóner kórmesin tamashalady.
 

Aıta keteıik, «Etnostar kúni» jobasyn Qazaqstan halqy BQO assambleıasy oblys ákimdiginiń qoldaýymen bıyl ekinshi ret uıymdastyryp otyr. Uıǵyr etnomádenı birlestigi 2002 jyly qurylǵan bolatyn. Oǵan bastapqyda óńirge tanymal azamat, marqum Nurahmet Másimov jetekshilik etti.