Oralda úıdiń jertólesi órtenip, 50 adam evakýatsııalandy
ORAL. QazAqparat – Oralda kópqabatty úıdiń jertólesinde qoqys janyp, 50 adam evakýatsııalandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 15.46-da Vatýtın kóshesi 53-úıde boldy.
Bes qabatty úıdiń jertólesinde qoqys janǵan. Onyń aýmaǵy 20 sharshy metrdi qamtydy.
Saldarynan 50 adam evakýatsııalansa, sonyń 20-sy – balalar.
Zardap shekkender joq.
«Tilsiz jaýdy» aýyzdyqtaýǵa 12 adam, 1 tehnıka jumyldyryldy. Janǵan qoqys 17.01-de sóndirildi.
Búgin Oralda taǵy bir oqys oqıǵa oryn aldy. Saǵat 16.03-te «Tıýlpan-2» avtogaraj kooperatıvinde 1977 jylǵy azamat uraǵa qulap ketken. Qutqarýshylar (3 adam, 1 tehnıka) ony shyǵaryp alyp, jedel járdem brıgadasyna tabys etti.
