Oralda úsh jasar bala besinshi qabattan qulap ketti
ORAL. QazAqparat - Oralda úsh jasar bala besinshi qabattan qulap ketti, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 1 qyrkúıek kúni 9-shaǵynaýdanda oryn aldy.
Besinshi qabattan qulap túsken 2015 jylǵy bala bas pen mıdyń ashyq jaraqatyn alǵan.
«Qazirgi kezde bala qalalyq kópbeıindi aýrýhananyń jansaqtaý bóliminde jatyr. Jaǵdaıy aýyr. Okýlıst, jaq-bet hırýrgi, reanımatologtyń tarapynan keńes berilgen», - dedi QazAqparat tilshisine A.Saqposynova.
