Oralda úsh qabatty ǵımarat órtenip, 16 jasar qyz aýrýhanaǵa tústi
BQO TJ departamentiniń baspasóz qyzmetinen málim etkendeı, oqıǵa 30 jeltoqsan kúni saǵat 19.34-te Á.Moldaǵulova kóshesi, 22 mekenjaıynda boldy.
«Azamattarǵa arnalǵan úkimet» memlekettik korporatsııasy BQO fılıalynyń ǵımaratynda 1-qabattaǵy arhıvte, sondaı-aq 2-qabatta órt shyqty. Onyń jalpy aýmaǵy 80 sharshy metrdi qamtydy. Oqıǵa ornynan ǵımarat kúzetshisi, 40 jastaǵy er adam men onyń 16 jasar qyzy qutqaryldy. Aldyn ala dıagnoz boıynsha orta dárejeli gazdan ýlanǵan qyz oblystyq kópbeıindi aýrýhanaǵa jatqyzyldy. «Tilsiz jaý» saǵat 20.18-de oqshaýlanyp, 20.51-de tolyqtaı aýyzdyqtaldy. Órttiń shyǵý sebebi, keltirilgen shyǵyn anyqtalý ústinde», dep habarlady vedomstvodan.
Eske sala keteıik, budan buryn BQO-da úsh avtokólik túıisip, Nissan Pafrol órtenip ketkenin jazǵan bolatynbyz.
Foto: TJ departamenti