Oralda úsh avtokólik soqtyǵysyp, úsh adam aýrýhanaǵa jetkizildi

ORAL. QazAqparat - Oralda úsh avtokólik soqtyǵysyp, úsh adam aýrýhanaǵa jetkizildi, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa búgin shamamen saǵat 12.00-de Zachagan kentindegi M.Móńkeuly kóshesinde boldy.

Mitsubishi, Lada jáne KIA avtokólikteri túıisti.

Sonyń saldarynan Lada avtokóliginiń 25 jastaǵy júrgizýshisi, Mitsubishi júrgizýshisi men jolaýshysy zardap shegip, aýrýhanaǵa jetkizildi.

Oqıǵa ornynda polıtsııa qyzmetkerleri jumys jasady.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn BQO-da er adamnyń aýyldasyn uryp óltirgenin jazǵan bolatynbyz.