Oralda úsh avtokólik soqtyǵysyp, eki adam jaraqat aldy

ORAL. QazAqparat – Oral qalasynda úsh avtokólik túıisip, eki adam jaraqat aldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa búgin shamamen saǵat 07.40-ta Derkól men Zachagan kentteriniń arasyndaǵy jol boıynda boldy.

Asfalt zaýyty tusynda «Folksvagen Golf» avtokóliginiń júrgizýshisi qarsy betke shyǵyp ketip, «Folksvagen Djetta» jáne «VAZ-2110» avtokólikterimen soqtyǵysýǵa jol bergen.

Sonyń saldarynan túrli jaraqat alǵan eki adam jedel járdem kóligimen aýrýhanaǵa jetkizildi.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, aldyn ala málimet boıynsha 44 jáne 50 jastaǵy er adam jabyq bas-mı jaraqatyn alyp, mıy shaıqalǵan. Іshterinen jabyq jaraqat alǵan. Oǵan qosa 44 jastaǵy er adamnyń oń jaq jilinshigi synǵan.

Eske sala keteıik , budan buryn Oralda úsh avtokólik soqtyǵysyp, úsh adamnyń aýrýhanaǵa jetkizilgenin jazǵan bolatynbyz.