Oralda úsh avtokólik soqtyǵysyp, bir adam jaraqat aldy
ORAL. QazAqparat - Oralda úsh avtokólik túıisip, bir adam jaraqat aldy, dep habarlaıdy QazAqparat tilshisi.
Oqıǵa búgin tańerteń E.Pýgachev kóshesi men N.Nazarbaev dańǵyly qıylysynda oryn aldy.
Shamamen saǵat 07.40-ta «VAZ-2112» avtokóliginiń júrgizýshisi Pýgachev kóshesimen kele jatyp, baǵdarshamnyń tyıym salynǵan belgisine qaramastan, ótip ketip, «Folksvagen Polo» jáne «Mersedes» avtokólikterimen soqtyǵysýǵa jol bergen.
«Jedel járdem saǵat 07.51-de shaqyrylyp, brıgada bes mınýttan keıin jetti. 1986 jylǵy er adam qalalyq kópbeıindi aýrýhanaǵa jetkizildi. Aldyn ala málimet boıynsha ol jabyq bas-mı jaraqatyn alǵan», dedi QazAqparat tilshisine oblystyq densaýlyq saqtaý basqarmasynyń baspasóz hatshysy Aınagúl Saqposynova.
Eske sala keteıik, budan buryn Oralda qospáterlik turǵyn úıdiń otqa oranǵanyn jazǵan bolatynbyz.
