Oralda úsh avtokólik pen mototsıkl soqtyǵysty
ORAL. QazAqparat – Oralda úsh avtokólik pen mototsıkl soqtyǵysyp, eki adam zardap shekti, dep habarlaıdy QazAqparat tilshisi.
BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń málim etkenindeı, oqıǵa 25 naýryz kúni saǵat 21.40 shamasynda oryn aldy.
Eýrazııa dańǵyly boıyndaǵy №8 orta mektep aıaldamasy tusyndaǵy baǵdarshamda jol apaty saldarynan mototsıklshi zardap shekti.
Qazirgi kezde oqıǵanyń jaı-japsary anyqtalý ústinde.
BQO densaýlyq saqtaý basqarmasynyń naqtylaýynsha, eki adam jaraqatpen oblystyq kópbeıindi aýrýhanaǵa jetkizildi.
Eske sala keteıik, budan buryn Oralda mas júrgizýshi aıdaǵan kóliktiń kópirden ushyp ketkenin jazǵan bolatynbyz.
