Oralda úsh adamdy óltirgen kúdikti ustaldy
ORAL. QazAqparat - Oralda 1994 jylǵy eki azamatsha men 2014 jylǵy balany óltirgen kúdikti ustaldy, dep habarlaıdy «QazAqparat» tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bısenovtiń aıtýynsha, Syrym aýdanynyń 1993 jylǵy turǵyny keshe Bortaý (Melovye gorkı) aýyly mańynda qolǵa túsip, ýaqytsha oqshaýlaý ızolıatoryna qamaldy.
Kinásin moıyndaǵan kúdiktiniń sózine qaraǵanda, ol áýeli ózimen birge turǵysy kelmegen kelinshektiń qurbysyn pyshaqtap óltirgen. Keıin onyń 2014 jylǵy balasynyń jáne áıeldiń óziniń janyn qıǵan. Olardyń árqaısysysyna 18-den astam ret pyshaq jumsaǵan. Qandy oqıǵa 5 qyrkúıekke qaraǵan túni saǵat 02.00 men 04.00 arasynda bolǵan. Sodan keıin qylmystyń izin jasyrý pıǵylymen úıdi órtegen.
Atalǵan derek boıynsha QR QK 99-baby 2-bóligine sáıkes (eki jáne odan kóp adamdy qasaqana óltirý) qylmystyq is qozǵalyp, tergeý amaldary júrgizilýde. Kúdikti bul bap boıynsha 15-ten 20 jylǵa deıin bas bostandyǵynan aıyrylýy múmkin.
Eske sala keteıik, keshe Zachagan kenti ıÝjnaıa kóshesi 11-mekenjaıyndaǵy ýaqytsha turǵyn úıdegi órtten keıin úsh adamnyń múrdesi tabylǵan bolatyn.
