Oralda urlanǵan kólik Samaradan tabyldy
NUR-SULTAN. QazAqparat – Oral qalasynda urlanǵan avtokólik Reseıdiń Samara qalasynan tabyldy. Bul týraly QR Іshki ister mınıstrliginiń resmı ókili Nurdildá Oraz aıtyp berdi, dep habarlaıdy QazAqparat tilshisi.
«19 jeltoqsanǵa qaraǵan túni Oral qalasynda Á.Moldaǵulova kóshesindegi úıdiń aýlasynan belgisiz bireýler quny 3,5 mıllıon teńge turatyn «Nısan Mýrano» markaly avtokóligin urlap ketken. Qylmysty ashý maqsatynda oblystyq polıtsııa departamentiniń jedel-tergeý toby quryldy.
Batysqazaqstandyq tártip saqshylary Reseı Federatsııasynyń polıtsııa qyzmetkerlerimen birge urlanǵan kólikti bir táýlik ishinde kórshi eldiń Samara qalasynan tapty. Kúdiktilerdi anyqtaý boıynsha sotqa deıingi tergeý júrip jatyr», - dedi Nurdildá Oraz mınıstrlikte ótken onlaın brıfıngte.
Buǵan deıin N. Oraz Shymkentte kireberiste áıel zorlamaq bolǵan kúdiktiniń ustalǵanyn habarlaǵan edi.
Resmı ókildiń aıtýynsha, ótken aptada jalpy sany 2921 qylmys tirkeldi. Polıtseılerdiń jedel áreket etýi nátıjesinde 1938 qylmys izi sýymaı ashyldy. Onyń ishinde 5 adam óltirý, 34 tonaý men qaraqshylyq, 501 urlyq faktileri áshkere bolǵan.
