Oralda Ulttyq ulan jaýyngerleri jas jigitti qarýymen qolǵa túsirdi
ORAL. QazAqparat - QR Ulttyq ulany «Batys» óńirlik qolbasshylyǵyna qarasty 5517-áskerı bóliminiń quramynda serjant Ańsarbek Amanjolov, qatardaǵy jaýyngerler Erjan Nábıev pen Tolǵanbaı Turǵynbaev bar toby jas jigitti qarýymen qolǵa túsirdi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, bul oqıǵa 10 qazan kúni shamamen 21.40-ta oryn aldy. Qoǵamdyq tártip pen qaýipsizdikti kúzetip júrgen áskerı qyzmetkerler qalanyń Soltústik-shyǵys shaǵynaýdanyndaǵy №23 mektep janynan sytylyp ketpek bolǵan bir top jigitti ustaıdy. Olardyń kıimderin qaraý kezinde jas jigitterdiń biriniń qaltasynan uńǵysy qysqartylǵan sholaq myltyq (tapansha) tabyldy. Máseleniń mán-jaıyn anyqtaý úshin ol sol boıda Oral qalalyq ishki ister basqarmasyna jetkizildi.
Qyraǵylyǵy úshin atalǵan jaýyngerler yntalandyrýǵa usynyldy.
