Oralda Ulttyq ulan jaýyngerleri úsh jyl buryn urlanǵan velosıpedti tapty
ORAL. QazAqparat – Oralda Ulttyq ulan jaýyngerleri úsh jyl buryn urlanǵan velosıpedti tapty, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 14 mamyr kúni túnde bolǵan.
Saǵat 23.40 shamasynda quramynda serjant Jalǵas Orazov, qatardaǵy jaýynger Evgenıı Strıakın bar áskerı top polıtsııa qyzmetkerlerimen birge D.Qonaev atyndaǵy shaǵynaýdanda kók tústi velosıpedpen júrgen kúdikti adamdy baıqap qalady.
Ulttyq ulan jaýyngerleri onyń kim ekendigine kóz jetkizý úshin polıtsııa ýchaskesine jetkizedi.
Derekterdi tekserý kezinde velosıpedtiń budan úsh jyl buryn urlanǵany belgili boldy.
Ustalǵan azamat Oral qalasynyń 25 jastaǵy turǵyny bolyp shyqty.
Kórsetken qyraǵylyǵy men batyl is-qımyly úshin atalǵan jaýyngerler 5517-áskerı bólim komandırimen yntalandyryldy.
Eske sala keteıik, budan buryn Oralda Ulttyq ulan sarbazdary eki adamdy esirtkimen jáne sýyq qarýmen ustaǵanyn jazǵan bolatynbyz.
