Oralda Ulttyq ulan jaýyngerleri tapanshamen qarýlanǵan bozbalany ustady
ORAL. QazAqparat – Oralda Ulttyq ulan jaýyngerleri ózimen birge tapansha jáne oq-dári alyp júrgen 16 jastaǵy jasóspirimdi ustady, dep habarlaıdy QazAqparat Ulttyq ulannyń «Batys» bólimshesine silteme jasap.
Oqıǵa 13 jeltoqsan keshki saǵat 18:45 shamasynda oryn alǵan. Qoǵamdyq tártipti saqtaý úshin aýmaqty patrýldep júrgen jasaq basshysy, qatardaǵy Ersaǵan Bolatov, qatardaǵy jaýyngerler Nurbaqyt Qoıshıev pen Erkebulan Ermekov «Qyz munarasy» dámhanasynyń janynda kúdik týǵyzǵan bozbalany toqtatyp, qujattaryn suraǵan.
Jasóspirimdi kýágerlerdiń kózinshe tintigen kezde travmatıkalyq tapansha men oq-dári tabyldy. Bul qarý-jaraqtyń jas balaǵa ne úshin kerek bolǵanyn tergeý anyqtaıdy.
Budan keıin bozbala polıtsııa bólimshesine jetkizildi.
Aıta keteıik, 16 jasar qala turǵynynan qarý ustaýǵa ruqsat beretin eshqandaı qujat tabylǵan joq. Alynǵan tapansha sraptamaǵa jiberildi. Qarýdyń ıesi anyqtalyp jatyr. Al áskerı qyzmet kezinde erekshe qyraǵylyq tanytqan jaýyngerler yntalandyryldy.
