Oralda Ulttyq ulan jaýyngerleri sýyq qarýmen júrgen eki adamdy ustady
ORAL. QazAqparat - Oralda Ulttyq ulan jaýyngerleri sýyq qarýmen júrgen eki adamdy ustady, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 1 naýryz kúni keshke bolǵan.
Quramynda top basshysy, kishi serjant Elaman Amanǵulov, qatardaǵy jaýyngerler Ulyqbek Oqtanov, Evgenıı Sokolov bar tártip saqshylary saǵat 21.45 shamasynda bulardy kórgen boıda ketip qalmaqshy bolǵan kúdiktini toqtatty. Ol qujattaryn kórsetýden bas tartyp, ózin dóreki ustap, qolyn qaltasynan shyǵarmady.
Kýálerdiń qatysýymen tintigen kezde 40 jasar azamattyń kúrtesiniń qaltasynan jınalmaly pyshaq tabyldy.
Sol sekildi qatardaǵy jaýyngerler Ivan Denısov (basshysy), Danıl Chelnakov, Aıbek Abdýlaev jáne kınolog-maman Salaýat ıAnsýfın ıisshil ıt «Karmen» kómegimen taǵy bir kúdiktini qolǵa túsirdi. Onyń sómkesinen pyshaq shyqty.
Bulardyń ekeýi de polıtsııa bólimine jetkizildi.
Qyraǵylyq tanytqan jaýyngerlerdi áskerı bólim komandıri yntalandyrady.
Eske sala keteıik,budan buryn Ulttyq ulan jaýyngerleriniń eki áıelge shabýyl jasaǵan er adamdy ustaǵanyn jazǵan bolatynbyz.
