Oralda Ulttyq ulan jaýyngerleri shprıtspen júrgen nashaqordy qolǵa túsirdi
ORAL. QazAqparat - Oralda Ulttyq ulan jaýyngerleri shprıtspen júrgen nashaqordy qolǵa túsirdi, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 1 naýryz kúni «Soltústik-shyǵys» shaǵynaýdanynda oryn aldy.
Quramynda kishi serjant Aǵataı Ájiqanov (top basshysy), qatardaǵy jaýyngerler Islambek Sarıev pen Sangın Makkamov bar top «Shańyraq» balabaqshasynyń janyndaǵy garajdar mańynda júrgen kúdikti jas jigitti baıqaıdy.
Ulttyq ulan jaýyngerlerinen boı tasalamaq bolǵan turǵyndy qujattaryn tekserý úshin kidirtip, qaraǵan kezde onyń kúrtesiniń qaltasynan shprıts pen suıyq esirtki tabyldy.
Kúdikti odan ári tekserý úshin Oral qalalyq polıtsııa basqarmasyna jetkizildi.
Qyraǵylyq kórsetip, óz qyzmetterin kásibı atqarǵany úshin atalǵan jaýyngerler 5517-áskerı bólim komandırimen yntalandyryldy.
Eske sala keteıik, budan buryn Ulttyq ulan jaýyngerleriniń eki áıelge shabýyl jasaǵan er adamdy, sondaı-aq sýyq qarýmen júrgen taǵy qos kúdiktini ustaǵanyn jazǵan bolatynbyz.
