Oralda Ulttyq ulan jaýyngerleri kóshede sýyq qarýmen júrgen er adamdy ustady
ORAL. QazAqparat - Oralda Ulttyq ulan jaýyngerleri sýyq qarýmen júrgen er adamdy ustady, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, quramynda qatardaǵy jaýyngerler Erlan Orazbaev, Aleksandr Podkopov jáne Igor Denıs bar top qyraǵylyq tanytty.
Ulttyq ulan jaýyngerleri kóshe tynyshtyǵyn kúzetý kezinde saǵat 17.30 shamasynda temirjol vokzaly mańynda kúdikti adamdy baıqap qaldy. Kýáligin suraǵan kezde qasha jónelmek bolǵan er adamdy áskerı top qoıan-qoltyq urys ádisin qoldanyp, adymyn ashtyrǵan joq.
Kýágerlerdiń qatysýymen teksergen kezde onyń shalbarynyń qaltasynan pyshaq tabyldy. Budan keıin kúdikti qalalyq polıtsııa basqarmasyna jetkizildi.
Qyraǵylyq kórsetkeni úshin atalǵan jaýyngerler 5517-áskerı bólim komandırimen yntalandyryldy.
Aıta keteıik, túrli kóshe qylmysy kezinde sýyq qarý qoldanylatyny belgili.
