Oralda Ulttyq ulan jaýyngerleri eki adamdy esirtkimen ustady
ORAL. QazAqparat - Oralda Ulttyq ulan jaýyngerleri bir kúnde eki adamdy esirtkimen ustady, dep habarlaıdy «QazAqparat» tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, 5517-áskerı bóliminiń quramynda top basshysy, serjant Asqarbek Amanjolov, qatardaǵy jaýyngerler Semen Chanov pen Madııar Ýálıev bar sarbazdar Dostyq pen Almazov kósheleriniń qıylysynda keshkisin jan-jaǵyna alańdap turǵan jas jigitti baıqaıdy. Tekserip, onyń sómkesin qaraǵan kezde esirtkige uqsas salmaǵy 300 gramm jasyl tústi zat tabyldy. Atalǵan turǵyn polıtsııa qyzmetkerlerine tapsyryldy. Tabylǵan zat marıhýana bolyp shyqty. Al kishi serjant Erlan Narımanov pen qatardaǵy jaýyngerler Igor Klıapıkov pen Vladımır Býrlık M.Mámetova men Qurmanǵazy kósheleriniń qıylysynda mas kúıinde júrgen er adamdy ustady. Onyń da qaltasynan salmaǵy 200 gramm esirtki tabyldy.
Qyraǵylyq kórsetkeni úshin atalǵan jaýyngerler áskerı bólim komandıri tarapynan yntalandyryldy.
