Oralda Ulttyq ulan jaýyngeri joǵalǵan jasóspirimdi tapty
ORAL. QazAqparat - Oralda «Batys» óńirlik qolbasshylyǵyna qarasty 5517-áskerı bóliminiń qyzmetkeri Nurhat Alshaǵyrov joǵalǵan jasóspirimdi tapty, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 17 mamyr kúni túnde bolǵanymen, onyń mán-jaıy keıin belgili boldy.
Sol túni qyzmetten keıin qatardaǵy jaýynger saǵat 01.15 shamasynda úıine qonaqqa kelgen týystaryn shyǵaryp salady. Qaıtyp kele jatqanda, №19 orta mektep janynda átkenshekte jalǵyz otyrǵan jasóspirimdi kóredi. Surastyra kelgende, qurdastarymen sózge kelip qalǵan ol, úıine barmaǵan bolyp shyǵady. 12 jasar Beknurdy tynyshtandyrǵan jaýynger ony úıine alyp keledi. Bul kezde ata-anasy izdestirý úshin polıtsııa qyzmetkerlerin de shaqyryp qoıǵan eken.
Bul oqıǵa jóninde Nurhat eshkimge tis jarmaǵan. Tek «Batys» óńirlik qolbasshysy, general-maıor Álibek Serálıevtiń atyna jasóspirimniń anasy Gúlnur Muhambedıevanyń alǵys aıtyp, jazǵan hatynan keıin málim boldy.
Aıta keteıik, Nurhat 1998 jyly Aqtóbe oblysynda dúnıege kelgen. 2016-2017 jyldary Astanada Ulttyq ulan qatarynda áskerı boryshyn ótegen. 2017 jyldyń shildesinen bastap 5517-áskerı bólimge 2-atqyshtar rotasynyń baqylaýshysy qyzmetine kelisimshartpen kirisken.
