Oralda Ulttyq ulan shırek ǵasyrlyq toıyn atap ótti
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, atalmysh áskerı bólim tarıhy 1992 jyly 25 aqpanda Oral derbes arnaıy motorlandyrylǵan mılıtsııa batalonynyń qurylýynan bastaldy.
Saltanatty sharada «Batys» óńirlik qolbasshysy, general-maıor Álibek Seralıevtiń málim etkenindeı, QR Prezıdenti, Joǵarǵy Bas qolbasshy Nursultan Nazarbaev el áskerleriniń qazirgi zamanǵy talaptarǵa saı qyzmet etýine udaıy kóńil bólip keledi. Ulttyq ulan jaýyngerleriniń mindeti qala kóshelerinde qoǵamdyq tártipti qamtamasyz etý, Batys óńirde quqyqbuzýshylyqtyń jolyn kesip, jappaı tártipsizdikterge jol bermeý bolyp tabylady. Osy oraıda olar óz qyzmetterin barynsha abyroımen atqarýda.
Budan keıin «Batys» óńirlik qolbasshylyǵy tárbıe jáne áleýmettik-quqyqtyq jumystar basqarmasynyń bastyǵy, podpolkovnık Álisher Ábdirasyl baıandama jasap, 5515-áskerı bóliminiń qurylý tarıhyna, qalyptasý jyldaryna toqtaldy.
Shara barysynda bir top áskerı qyzmetkerler men ardagerler gramota, baǵaly syılyqtarmen marapattalyp, sondaı-aq QR quqyq tártibi áskerleri qurylýynyń 25 jyldyǵyna arnalǵan medaldar tabys etildi.
«Batys» qolbasshylyǵy ardagerler keńesiniń tóraǵasy, doǵarystaǵy podpolkovnık Baqytjan Berdıev osynaý shırek ǵasyr ishinde óz qyzmetterin minsiz atqarǵan kóptegen jaýyngerlerdiń aldy memlekettik orden, medaldarmen marapattalǵanyn jetkizdi.
Shara sońy 5517-áskerı bólim orkestri qoıǵan merekelik kontsertke ulasty.
