Oralda Ulttyq ulan sarbazdary eki adamdy esirtkimen jáne sýyq qarýmen ustady

ORAL. QazAqparat – Oralda Ulttyq ulan jaýyngerleri esirtkimen jáne sýyq qarýmen júrgen eki er adamdy ustady, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, 12 mamyr kúni 34 jastaǵy er adam esirtkimen qolǵa túsken.

Saǵat 22.30 shamasynda 5517-áskerı bóliminde qyzmet etetin, quramynda serjant Erjan Erbolat pen qatardaǵy jaýynger Ashat Qajymuratov bar top Orda kóshesinde júrgen kúdikti adamǵa nazar aýdarǵan.

Toqtatyp, kýágerlerdiń qatysýymen qaraǵan kezde kúrtesiniń qaltasynan qaǵaz oramaǵa salynǵan zat tabyldy. Ol marıhýana bolyp shyqty.

Sol kúni qatardaǵy jaýyngerler Tımýr Kárim men Andreı Rostovşıkov ózin dóreki ustaǵan er adamnyń shalbarynyń qaltasynan zaýytta jasalǵan jınalmaly pyshaq tapqan.

Qolǵa túsken kúdiktiler polıtsııa qyzmetkerlerine tapsyryldy.

Qyraǵylyq kórsetkeni úshin atalǵan jaýyngerler bólim komandırimen yntalandyryldy.

Jyl basynan beri 5517-áskerı bólim jaýyngerleri sýyq qarýmen júrgen birneshe adamdy ustap úlgerdi.