Oralda ýchaskelik polıtsııa ınspektorlaryna jańa qyzmettik kólik berildi

ORAL. QazAqparat – Oralda №5 ýchaskelik polıtsııa pýnktiniń ınspektorlaryna jańa qyzmettik avtokólik tabys etildi, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, óńirde Qazaqstan Prezıdentiniń Joldaýyna sáıkes sala qyzmetkerleriniń mártebesin kóterip, materıaldyq-tehnıkalyq bazasyn nyǵaıtý baǵytynda tıisti jumystar atqarylýda.

Atalǵan avtokólik QR Іshki ister mınıstri Erlan Turǵymbaevtyń tapsyrmasyna sáıkes berildi.

BQO polıtsııa departamenti bastyǵynyń mindetin atqarýshy, polıtsııa polkovnıgi Janbolat Janshınniń aıtýynsha, tártip saqshylarynyń osyndaı kólikpen qamtylýy halyqpen árdaıym baılanysta bolatyn olardyń qyzmetin jedeldetedi.

Atalǵan ýchaskelik pýnktte 7 ınspektor jumys jasaıdy. Olar qalanyń 20 myńnan astam turǵyny bar ortalyq bóligin qamtıdy.

«Ýchaskelik ınspektor retinde kópten beri qyzmet atqaryp kelemin. Jańa kóliktiń bizdiń jumysymyzǵa tyń serpin bereri anyq», dedi aǵa ýchaskelik polıtsııa ınspektory Dáýren Ońaıǵalıev.

Oral qalasy aýmaǵynda 24 ýchaskelik polıtsııa pýnktinde 117 ınspektor men olardyń kómekshileri jumys jasap keledi.