Oralda UBT synaǵy kezinde muǵalim kóz jumdy
ASTANA. QazAqparat - Oralda biryńǵaı ulttyq testileýdiń baıqaý synaǵy kezinde №32 orta mektepti bitirýshi synybynyń jetekshisi qaıtys boldy, dep habarlaıdy «QazAqparat» HAA «Ýralskaıa nedelıaǵa» silteme jasap.
«№32 mekteptiń muǵalimi UBT baıqaý synaǵyn tapsyrý úshin oqýshylaryn ákelgen edi. Oqýshylar aýdıtorııalarǵa kirip ketken soń, ol dálizde qalǵan. 13:10 shamasynda onyń talmasy ustady. Biz oǵan kómek kórsetýge áreket jasap, «Jedel járdem» shaqyrdyq. Biraq «Jedel járdem» jedel kelgen joq, olar jetkenshe jarty saǵat ótken edi. Dárigerler kelgen boıda jany úzilgenin aıtty», - deıdi M. Ótemisov atyndaǵy Batys Qazaqstan memlekettik ýnıversıtetiniń janyndaǵy UBT ortalyǵyndaǵylar.
Oqıǵa tús kezinde bolǵandyqtan, ýnıversıtettiń dárigeri tústenýge ketken. Dál dıagnozy anyqtalǵan joq, biraq áıeldiń qan qysymynyń kóterilýinen zardap shekkeni belgili.
Oblystyq densaýlyq saqtaý basqarmasynyń ókilderi oqıǵa jaıly keıin pikir bildirýge ýáde berdi.
