Oralda «ÝAZ» avtokóligi órtenip ketti
ORAL. QazAqparat – Oralda «ÝAZ» avtokóligi órtenip ketti, dep habarlaıdy QazAqparat tilshisi.
BQO TJ departamentinen alynǵan málimetke qaraǵanda, oqıǵa 19 naýryz kúni saǵat 16.01-de «Promenad» saýda úıi mańynda oryn aldy.
«ÝAZ» avtokóliginiń motor bóligi men salony otqa orandy.
Órt sóndirýshilerdiń (7 adam, 2 tehnıka) kúshimen 16.11-de sóndirildi.
Sondaı-aq 18 naýryz kúni saǵat 21.14-te N.Nazarbaev dańǵyly 240/1-úı aýdanynda sharýashylyq qurylysy otqa orandy.
Órttiń aýmaǵy 75 sharshy metrdi qamtydy.
Jalyn sondaı-aq jaqyn turǵan temir garajdaǵy Mitsubishi Lancer avtokóligin sharpydy.
Úlken órtti sóndirýge 20 adam, 6 tehnıka jumyldyryldy.
«Tilsiz jaý» saǵat 22.47-de aýyzdyqtaldy.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, bıyl jyl basynan beri óńirde barlyǵy 84 órt bolsa, sonyń 57-si turǵyn úı sektory úlesine tıedi. Sonyń saldarynan 1 adam qaza taýyp, beseýi jaraqat aldy.
Eske sala keteıik, budan buryn Oralda elektr baǵanynyń basyna shyǵyp, sekirmek bolǵan 17 jastaǵy qyzdyń qutqarylǵanyn jazǵan bolatynbyz.
