Oralda túzetý mekemesine tyıym salynǵan zattardy ótkizbek bolǵan
ORAL. KAZINFORM — Tekserý barysynda kir jýǵysh untaq salynǵan qaptamanyń ishinen 11 telefon, 37 qulaqqap, smart-saǵat, adapter, 3 flesh-karta, 13 USB shnýry tabyldy.
QR ІІM Ulttyq ulanynyń áskerı qyzmetshileri men BQO boıynsha qylmystyq-atqarý júıesi departamentiniń № 28 túzetý mekemesi qyzmetkerleriniń qyraǵylyǵy men jedel is-qımyly nátıjesinde kúzetiletin aýmaqqa tyıym salynǵan zattardy ótkizý áreketiniń joly kesildi.
QR ІІM Ulttyq ulanynyń baspasóz qyzmetinen málim etkenindeı, josparly tekseris kezinde rentgen qurylǵysynyń kómegimen áskerı qyzmetshiler tyıym salynǵan zattardyń jasyrylǵanyn anyqtady.
Atalǵan zań buzýshylyqty 5517-áskerı bóliminiń baqylaýshy mamany, serjant Jannat Halılova baıqady.
— Tekserý barysynda kir jýǵysh untaq salynǵan qaptamanyń ishinen 11 uıaly telefon, 7 jup symsyz qulaqqap, 30 symdy qulaqqap, 1 smart-saǵat, flesh-kartaǵa arnalǵan 1 adapter, 3 flesh-karta, 13 USB shnýry, 4 qýattaǵysh qurylǵy tabyldy. Oǵan qosa qyzyl tústi erekshe ıisi bar suıyqtyq quıylǵan bir quty boıynsha saraptama taǵaıyndaldy. Qazirgi kezde bul derek boıynsha tekserý júrgizilip jatyr, — dep habarlady vedomstvodan.
Eske sala keteıik, budan buryn Oralda 13 jastaǵy qyzdy soqqyǵa jyqqan jasóspirimder ustalǵanyn jazǵan edik.