Oralda tútin shyqqan mektepten 25 adam shyǵaryldy
ORAL. QazAqparat - Búgin túski saǵat 13.51 shamasynda daryndy balalarǵa arnalǵan mamandandyrylǵan S.Seıfýllın atyndaǵy №11 oblystyq qazaq mektep-ınternaty keshenine órt sóndirýshiler shaqyrylǵan, dep habarlaıdy «QazAqparat» tilshisi.
BQO TJ departamentiniń baspasóz qyzmetinen túsken málimetke qaraǵanda, elektr qalqanynan tútin shyqqan. Oqıǵa ornyna 15 tehnıka, 52 adam jetken. Barlyǵy 25 adam mektepten shyǵarylǵan, olardyń 19-y - oqýshylar, altaýy - muǵalimder.
Zardap shekkender joq.
Atalmysh mektep dırektorynyń orynbasary Aqjan Bısenǵalıevanyń aıtýynsha, balalar túske deıin oqyp shyqty. «Osy oqıǵaǵa baılanysty elektr qýaty bolmap edi. Soǵan oraı túsqaıta bastaýysh synyptyń balalaryn taratyp jatyr edik. Jaryq qaıta qosyldy», dedi ol.
