Oralda túste joǵalyp ketken oqýshy qyz túnde tabyldy

ORAL. QazAqparat – Oralda kúndiz mektepten shyǵyp, joǵalyp ketken 12 jasar qyz túnde tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, qaladaǵy №24 mektepte oqıtyn qyz 11 sáýir kúni shamamen saǵat 14.30-da belgisiz baǵytta shyǵyp ketken.

Sodan úıine oralmaǵannan keıin izdeý salyndy.

«Іzdestirý jumystaryna BQO polıtsııa departamentiniń jeke quramy jumyldyryldy. Eriktiler de qatysty. Oqýshy qyz túngi saǵat 22.10-da tabyldy. Qazirgi kezde oqıǵanyń sebep-saldary men mán-jaıy anyqtalý ústinde», dep habarlady vedomstvodan.

Eske sala keteıik, budan buryn BQO-da jol apatyn jasaǵan eki mas júrgizýshiniń kólikteri otqa oranǵanyn jazǵan bolatynbyz.