Oralda turmystyq qaldyqtar polıgonynda qoqys órtenip jatyr
Qalaǵa qarasty Zachagan kentinde órttiń shubatylǵan tútini anyq kórinedi.
BQO TJ departamentiniń baspasóz qyzmetinen málim etkenindeı, turǵyn úılerden 15 shaqyrym qashyqtyqta ornalasqan polıgonda saǵat 17.46-da shamamen 1 gektardaı aýmaqta qoqys jandy. «ICM Recycling» JShS-ǵa tıesili polıgonnyń jalpy aýdany – 33 gektar. Atalmysh JShS-nyń kúshimen (6 bortty kólik, 1 ekskavator, 2 býldozer) janyp jatqan jer sazben kómilýde. Qala aýmaǵynda tútin ısi baıqalmaıdy. Zardap shekkender joq. «Tilsiz jaýdy» aýyzdyqtaýǵa TJ basqarmasy (2 adam, 1 tehnıka), №3 órt sóndirý bólimi (6 adam, 1 tehnıka) jáne «ICM Recycling» JShS (16 qyzmetker, 9 tehnıka) kúshteri jumyldyrylǵan», dep habarlady vedomstvodan.
Zachagan kenti turǵyndarynyń sózine qaraǵanda, mundaı jaǵdaı jaz shyǵa jıi oryn alady. Keıde túnde órttiń jaǵymsyz ısi kentti alyp ketedi.
Eske sala keteıik, budan buryn Batys Qazaqstanda sý aıdyndarynda 24 jaǵajaı jumys isteıtinin jazǵan bolatynbyz.
