Oralda turmystyq qaldyqtar polıgonynda qoqys 4 kúnnen beri byqsyp jatyr
QazAqparat budan buryn jazǵanyndaı, polıgondaǵy qoqys 25 mamyr kúni keshkisin órtengen bolatyn.
BQO TJ departamentiniń baspasóz qyzmetinen málim etkenindeı, 29 mamyr kúngi saǵat 12.00-degi málimet boıynsha Oral qalasynan 15 shaqyrym jerde ornalasqan qatty turmystyq qaldyqtar polıgonynda 750 sharshy metr aýmaqta qoqys tutanýda. Ashyq janýlar joq. Jalpy aýdany 33 gektar atalmysh polıgon «ICM Recycling» JShS teńgeriminde. «ICM Recycling» JShS (8 adam, 4 bortty avtokólik, 1 ekskavator, 1 býldozer) kúshimen janý aýmaǵyna saz balshyq jetkizilip, sebilýde. Baqylaýdy uıymdastyrý úshin №3 mamandandyrylǵan órt sóndirý bólimi (6 adam, 1 tehnıka) tartyldy. Órttiń taralý qaýpi joq. Zardap shekkender joq. Sóndirý jalǵasýda. Osy kezge deıin 16 810 tonna topyraq ákelindi», dep habarlady vedomstvodan.
Eske sala keteıik, budan buryn Oralda «Aqjol» jabyq bazarynan órt shyqqanyn jazǵan bolatynbyz.
