Oralda turmystyq qaldyqtar polıgony úshinshi kún janyp jatyr
ORAL. QazAqparat - Oralǵa qarasty Zachagan kenti mańyndaǵy turmystyq qatty qaldyqtar polıgony úshinshi kún qatarynan janyp jatyr, dep habarlaıdy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, polıgonda qaldyqtardyń janyp jatqany jóninde habar 27 mamyr kúni tańǵy saǵat 06.10-da túsken bolatyn.
Sol kúni órt sóndirýge jeke quramnan 4 adam, 2 tehnıka jumyldyryldy. Sonymen qatar «Jaıyq taza qala» JShS-dan 4 tehnıka qatysty. Degenmen 28 mamyr kúni saǵat 08.29-da polıgonnyń qaıta janyp jatqany belgili boldy. «Tilsiz jaýdy» aýyzdyqtaýǵa jeke quramnan 5 adam, 1 tehnıka qatysyp, órt saǵat 17.40-ta sóndirildi.
«Polıgon búgin de janyp jatyr. Qazirgi kezde órt sóndirýshiler sonda júr. Tehnıkalar men adamdardyń sany naqtylanýda. Jalpy, polıgonda qaldyqtardyń janýy jyl saıyn qaıtalanady», dedi «QazAqparat» tilshisine N.Muqanova.
